La regasificadora d'El Musel supera'l millón de tonelaes de GNL  

La cifra equival al 120% de la demanda d'esi combustible n'Asturies

La planta regasificadora 'Musel E-Hub', nel cai de Xixón, procesó más d’un millón de tonelaes de Gas Natural Licuao (GNL) dende la so entrada en funcionamientu en 2023, qu’equivalen al 120 por cientu de la demanda d’esi combustible n’Asturies, informaron esti xueves directivos de la compañía.

Dende’l 28 de xunetu de 2023 hasta’l 26 de setiembre pasáu ficiéronse 16 operaciones de descarga por un total de 2.453.494 metros cúbicos, 1.055.003 tonelaes, y otres cinco de carga por 248.651 metros cúbicos, 106.920 tonelaes.

El director xeneral de 'Musel E-Hub', Antonio Manzano Sevilla, calificó de 'éxitu' el serviciu lloxísticu desendolcáu pola planta nos primeros catorce meses dende la so puesta en marcha y dio anuncia de que ta en proyectu inxertar otros tipos de combustible como hidróxenu y metanol nel horizonte de 2027.